Horas to my huta

FALSAFAH-UMPAMA-UMPASA

Bahasa Batak

FALSAPA ; Ima songon tudosan ni situa-tua, jala naboi gabe poda.

UMPAMA ; Ima hata tudosan hampir mirip tu Falsafah ni natua-tua.

UMPASA ; ima songon pantun (Hata parjolo patorangkon hata parpudi) alai sasintongna hata pasu-pasu doi songon tangiang, asa pasauton Debata do, ai ganup namanghatahon Umpasa (pasu-pasu) ingkon tongtongdo diojakkon dibagasan rohana, na Debata do silehon pasu-pasu.

Misalla;

FALSAPA

Dijolo raja si eahan,

Dipudi raja si paimaon

Sada silompa gadong,  Dua silompa ubi.

Sada pe namanghatahon,  Sudema dapotan Uli.

Pitu batu martindi,

Sada do sitaon nadokdok

Siboru puas siboru Bakkara,

Molo dung puas, sae soada mara

Purpar pande dorpi,

Jumadihon tu rapotna

Tongka do siripe manjalo,

Na so umboto mamalosi.

Sungkunon poda natua-tua,

Sungkunon gogo tu naumposo

Molo godang pinanutan,

Godang ma harharan

Niarit tarugi porapora,

Molo tinean uli, teanon ma dohot gora.

Natoras na tutu, mengkaholongi ianakkonna,

Ianakkon na tutu, napasangaphon natorasna

Agia pe lapa-lapa, asal ditoru ni sobuon,

Agia pe malap-alap, asal ma dihangoluon,

Ai sai naboi do jolma partalaga,

Muba gabe parjoluon.

Hotangdo ragian,

Hadang-hadangan pansalongan

Sihahaan gabe sianggian,

Molo hurang “sinaloan / parbinotoan”.

Bau so jolo busuk,

Bari so jolo masak.

Tumburni pangkat, tu tumburni hotang

Tusi hamu mangalangka, disima hamu dapotan.

Ingkon songon poting,

Lam marisi lam so marsoara.

Manat mardongan tubu, 

Ummanatan mardongan sabutuha

Tinaba hau toras, bahen sopo di balian,

Na burju marnatoras, sai na dapotan parsaulian

Nilangka tu jolo,

Sinarihon tu pudi. 

Hatop adong pinareakna,

Lambat adong pinaimana

Tampukni dambibir doi,nasoboi tupanggonggonan

Parjaha-jaha dibibir do i, parpustaha ditolonan

Tabo ni juhut sahat tu mudar,

Tabo ni hata olat ni bulung ni pinggol.

Rupa ndang tarpangan,

Pangalahodo na tarpangan.

Sala ma uli, sala ma denggan,

Songon sanggar di robean.

Pili-pili soban, unang mapilihu,

So tung gabe so dapotan

Maos di pangalmisan,

Songon bira nasa botohon.

Pidong tinanda sian imbulunya,

Jolma tinanda sian pangalahona.

Na dangol ni andung do ahu,

Na siak panomuan.

Jolo tinaha garungniba,

Jolo niantan sulangatniba.