"Tips memberikan kado di bulan cinta"

aLa BULAN CINTA nueang, attar somal do mangalehon kado di tingki on. Alai aha ma huroha kado nadumenggan nanaeng silehononta tu dongan natahaholongi???

Attar adong do 8 kado molo menuruthu on ma narumingkot jala naummarga sian saluhut kado:

1. Hadirion/haroro(kehadiran)
Hadirion ni sahalak jolma i do naummarga, nian boi do hadirionta tapatuduhon marhite SMS, surat, foto, dohot lan naasing do pe tu dongan natahaholongi. Alai molo nunga di lambungna ho, i pe asa boi martungkar pikkiran, marsipadohan roha, rap mekkel tangis huhut boi masigoitan.

2.Marbinege/manangihon (mendengar)
Dang piga halak naboi mangalehon kado nasasada on. Ai gumodangan do jolma naholan hata na sibege-begeon, hape merbinege di hata ni dongan so olo.
Roha naolo marbinege patuduhon holong, patuduhon hasabaron, jala patutoru roha.
Asa gabe jolma nabotul olo marbinege ho, ingkon jumolo do rileks ho, rohahon aha nanidokna, tangihon sude. Dompakhon tu bohina. Dang pola porlu sai sai mangajuk-ajuk, mangkritik, apalagi mandok "ho pe antong nga sala di si...". Loas jo jumolo dipasingkop ibana panghataionna. Dungkon i pe asa mangahatai ho.
Dang na sai ingkon mangalehon poda manang hata sipasingot. Holan mauliate pe didok ho tu donganmi ala nuang olo marsarita tu ho. Nga lumumbang parniahan ni donganmi.

3.Hohom/sip (diam)
Songon hata namandok, "margogo do nahohom"
Hohom boi do dilapati "namuruk do", "namangahumi do", jala jotjot do gabe sungkun-sungkun  tu roha ni dongan.
Alai lobi sian i, hohom boi do patuduhon holongta tu sasahalk jolma, gabe talehon tingki nalobi di ibana. Apalagi siganup ari naung hasomalanta marbete-bete, marungut-ungut, mamoda-modai.

4.Lomona (kebebasan)
Manghaholongi sahalk jolma, dang naingkon gabe hita nampunasa di ibana, apalagi sampe mangatur ngoluna. Boi do hita manghaholongi sahalak jolma, molo sai holan marhata ningku? Loas ma lomona. boi do patuduhon holong. Alai dang sampe "Lomom ma hasian". Alai ingkon umbagas sian i do, paloashon lomona huhut bertanggungjawab, patuduhon haporseaonta tu dongan natahaholongi ondeng.

5. Haulion (keindahan)
Ise na so las rohana, molo tompu si haholongan ni rohana tamba ganteng manang tamba santik(uli)...??? Gabe ganteng jala uli, ai pasu-pasu do i. Asing ni haulion ni pahean, boi do tontong dohot haulion di jabu. Dipaias sude angka meja, dipauli vas dohot bunga.
Manang songon nadibahen lampu namanghirdop-hirdop rupani.

6.Patiurhon pikkiran (tanggapan positif)
Jotjot do hita marroha rorang, jotjot hita sai manjoloani di pikkiranta, hape tupa dang toho natapikkirhon i. Olo mandulo-dulo pikkiran ni donganta. Sai hira so adong be nature diulon ibana, jala sai hira pikkiranta do nasintong.
Sahali on, torangi pikkiranmu. Dokkon sian ias ni roham, Ingot ma nasaminggu on, piga hali ma ho mandok mauliate ala pambahenanna. Ingot muse piga hali do dipuji ho ibana. Ai rayuan pe sasahali mansai ringkot do dipardonganon. Ingot muse, hea do hata mullop sian pamanganmu mandok "sala ma ahu di si".
Sai jumolo ma patiur roham, unang sai olo manduga-duga na so toho.
Sian i pe tarida do holongmu di namardongan i.

7.Roha naolo talu (kesediaan mengalah)
Dang sai sude masalah ingkon gabe bada. apalagi muse ma gabe bada bolak. :)
Molo dipikkirhon ho do on. Mangarade ma ho managalehon kado "roha naolo talu".
Ai roha naolo talu panemnem ate-ate namarsigorgor. Jala ingot ma dang adong jolma na sai ture manang denggan saleleng ni ngoluna.

8.Engkel suping (senyuman)
Porsea manang dang. Mansai margogo engkel suping. Sang muse ma engkel suping i sian roha nasasintongna. Boi do pature angka roha nageduk, patiurhon roha haholomon. Jala somalna di ende i pe di dok do "engkel suping mi, pasonang rohakki".
Engkel suping pe patuduhon roha pardongan, roha parholong.
Nandigan parpudi ho mengkel suping tahe?

Horas ma di hita saluhutna.