Horas to my huta
Ue Rohaku, Pos Ma Ho Tontong
Panggurathon: Sutrisno Sumando Seputra Sianturi
Lungun namanontong
Roha na sai tarnonong
Mata tardok simalolong
Alai dang marnida atik pe
mamereng
Da tungki rohakki nasalaon
Tarpaima di hamumuba ni sinaadong
Tarlobi songon pangareap ni
pidong
Sipata olo sai mordong-ordong
Haposoon targoar dihagogoon
nibotohon
Alai magale do pe disihaadongon
Tardingkan dia ma ahu manondong
Asa sai unang lalap
disihadongolon
Ue parhusor ni partingkian
Alusi ahu naposo nasai lalap
monsong-onsong
Manungkuni parro dohot parlao ni
alogo halisunsung
Pataridama hinauli halibutongan
Asa sai unang rohakku sai
malungun
Ugari natarbahen songon pandok ni
roha-roha
Di nasa gogo pikkiran sadalan
ula-ula
Da gira malua ahu sian gongoman
ni pandelean
Ugari targombar ari sogot haduan
Disihalelengan ni nasalelongon on
Da tupa uli ma parniahapan
Alai dao do pe dalan ni sibaran
Da pandelean nasai jotjot manosak
pangkilalan
Tung so jadi ahu tarmarsak
Pos do rohakku di tingki ni
pardalanan
Tupa uli di tingkina so pola so
jolo panagaman
(Nigurathon di Kost Agave 11, Jln. Bahagia GG. Pelita No.11, Pdg. Bulan)