Horas to my huta

 Di sada tingki di manogot-nogot di ruang perkuliahan di sada kampus, tagoari ma jo Universitas Hadatuaon. Kuliah biologi do nasida, tentang teori evolusi. I ma taringot tu teori pencipta tarsongon nidok ni Laetta si Charles Darwin.
Andorang so masuk nasida tu mata kuliah manghata-hatai ma nasida, disungkun dosenna (Sahalak Profesor) on ma angka ianakhonna parkuliah (mahasiswa) i.
Prof: "Ai tutu do Tuhan manompa saluhut?"
Togar ( Mahasiswa ) : "Tutu... Tutu do i Amang, Tuhan do sitompa saluhut nasa naadong."
"Tuhan manompa i sude?" disungkun Prof sahalinari.
"Ba tutu Amang," ninna si Togar ondeng.
Prof: "Molo Tuhan do manoppa saluhut, attong Tuhan do manoppa hajahaton."
Hohom ma si Togar jala hasusaan mangalusi hipotesis ni Prof i.
Di nahohom i si Togar, manghuling ma si Tiur sian pudi tardingkan holip harosina sian jolo ni Prof i.
"Prof, boi do ahu manungkun Amang?"
"Nauli," alus ni si Prof.
Tiur : "Prof, adong do nangali i Amang?"
"Ai sungkun-sungkun begu aha do i? Adong ma attong nangali dah."
Ninna si Tiur ma, "Sasintongna Prof, nangai i ndang adong. Didok hukum fisika, natargoar/tadok ngali i ma hasoadongon/parmago ni namohop.
Suhu-460F i ma parmago ni namohp jalasude partikel gabe hohom dohot laos so adong be naboi bereaksi di suhu i.
Ai natatoppa do hata ngali laho manghatahon manang manggombarhon hamamago ni namohop".
Ditorushon si Tiur muse...
"Prof, adong do naholom?"
Dialusi Prof , "Pasti do adong i."
Ninna si Tiur, "Sahalinari Amang Prof ndang tingkos. Golap i pe ndang adong. Golap i ma partingkian molo so adong be hatiuron manang cahaya. Cahaya boi taparsiajari, ianggo golap ndang kan. :)
Boi do tapangke prisma Newton laho mamossahon cahaya gabe manang piga-piga warna laos taparsiajari sadia angka ganjang ni gelombang ganup warna. Alai anggo ganjang ni golap do sotarungkur. Sasia golap pe sada ruangan boi do diukur sadia godang intensitas cahaya di ruangan i. Ai golap (hagolapon) dipakke jolma manggombarhon dihasoadongon/parmago ni hatiuron/cahaya."
Dunghon i disungkun si Tiur ma sahalinari,
"Prof, adong do hajaton i?"
Gabe tarsongon namardua ma Prof i mangalusi, "Adong do ra!"
Dialusi si Tiur ma, "Sahalinari Amang salah. Hajahaton NDANG ADONG. Hajahaton i, i ma partingkian hasoadongon ni Tuhan di ngolu ni sasahalk jolma.
Tarsongon ngali dohot golap ondeng, hajahaton i ma "hata" nadipakke jolma manisia laho mandok/manghatahon manang manggombarhon hasoadongon ni Tuhan di ngolu ni manisia. Ndang hea ditoppa Tuhan hajahaton.
Hajahaton ima ula-ula ni jolma massoadahon Tuhan di roha dohot parngoluonna." Gabe laos hohom ma Profesor i...
(Tiur = Albert Einstein) => "Relativity is about all but not for God"

Horas ma di hita saluhutna, di doangan tubu angka apparaniba dohot nang ibotoniba. Sambil mangula siulaonta be, huhut taingot manggohi rura nasohagohan sisajongkal i ate.