UGARI BATAK VI

Diposting oleh Tris 7matupunk on Rabu, 02 Oktober 2013

Horas to my huta

Hotto Berman Simanullang
#TIR-TIR BOKBOK-BOKBOK#

Ale,pamasa na uja!!
Dung laho amanta i,sai marpinghir-pinghiri ma inanta i mandok:"Ai ahu pe boi do bahenonhu songon na binahen ni amang ni si Unsok on,"ninna.Laho ma tu balian mangalap baion.Dijomur,diduda,dibau mambahen pandahanan inganan ni indahan.Hatiha i,ndang haru masa dope pinggan.Diuhal ma eme sian ompon,dijomur,diduda,dipiari dung i dilompa.

Ia tohoma mulak amanta i,alai anggo na sangombas on ndang dapotan ibana.
Di na laho nasida mangan,didok inanta i ma huhut disonduhi indahan i sian hudon tu pandahanan:
"Boti do da amang ni Unsok!ompu siraja jolo,martunghot siala gundi,pinungha ni na parjolo,siihuthonon ni na dipudi.
Na sansonduhon,on ma upa ni mangalap baion tu balian.Na sansonduk on on ma upa manjomur dohot manduda baion.Na sansonduk on,upa mambau,na sansonduk on upa manguhal eme sian ompon.Na sansonduk on upa manjomur.On muse upa manduda.On,upa mamiari.Sansonduk nari upa mangalompa.Jala na sansonduk nari on,on ma upa manonduk.
Na tinggal on,on ma riperipenta,ninna,".ninna.Hape tinggal hurhurna nama.I pe riperipenta dope ninna.
"Tole ma amang ni unsok,tapangan ma,songoni ma gambas sibale on lompanta,"ninna inanta on.

Marsogotna i,tong dibahen inanta i songon i.Haduanna i muse,sahat tu na opat ari marturut-turut,tong songon i antong dibahen inanta i.Sai malemale ma amanta on.Ala tongon haleon potir do hatiha i,ndang adong nanggo sada parlapo manggadis indahan.

Sai marpinghiri ma amanta on mangalului dalan,boha asa boi denggan nasida,boi rap dapotan.
Ia toho ma adong bagot na mararirang di porlak na di pudi ni bagasnasida.
"Huagati ma tahe bagot an,"ninna rohana.
Diboan ma pasakpasak pambalbalna,manjanghit ma amnta on,dimulai ma mambalbal.
Ala jonok do bagasnasida i tu bagot i,tung talhis do soara ni parbokbok ni balbal i dibege inanta i.soara i tar songon on ma:
Tir,tir,tir bokbok bokbok inang ni si unsok,bagi dos asa mokmok.
Tir,tir,tir bokbok,bokbok inang ni si unsok,bagi dos asa mokmok.

"Mauliate ma da amang,ala naung diboto damang mambahen/mandok songon i,ai ndada ahu na mamulai,damang do,"ninna inanta i manghatai sahalakna.Ai toho di jabu do inanta i.
Marsogotna i,tong songon i.
Di na patolu arihon,didok inanta i ma tu amanta i:"olo pe da amang ni unsok,na mambalbal na dua ari on ho,sai hubege do soara ni balbalmi tar songon on:
"Tir,tir,tir bokbok bokbok,inang ni unsok,bagi dos asa mokmok.
Pintor dialusi amanta i ma hata ni inantana i,mandok:"I ma da tutu inang ni Unsok,ai ahu pe sai songon na hubege do soara i,songon on:
Tir,tir,tir bokbok bokbok amang ni unsok,bagi dos asa mokmok.
Gabe tubu do tu bagas rohanghu mandok:i do tahe tohona.On pe da,inang ni unsok,ua songon i ma taulahon,sahata saoloan sapanghilalaan ma hita tu joloan on.
Unang be taulahon songon tinghi na naung salpu i,"ninna.
Dialusi inanta i ma mandok:"Ai ndada ahu na mamulai da amang ni unsok,damang do.On pe molo dung songon i pandokmu,ba nauli ma i,mauliate ma,"ninna.Mulai sian i denggan ma nasida,sahata saoloan,jala sapanghilalaan.

MARUDUT DOPE...???
Mauliate ma di amanta inanta na mamasa turiturian on.. — di Tanjung Morawa.

Suka ·  · Ikuti Kiriman · 22 September pukul 19:07 di Kota Medan

komentar (0)

Label:

UGARI BATAK VII

Diposting oleh Tris 7matupunk

Horas to my huta

Hotto Berman Simanullang
#RUHUT MAMINTA GONDANG#

Sise do mula hata sunghun mula uhum,tektek mula ni gondang serser mula ni tortor,siup mula ni tabas,buhu mula ni pollung,panguhiron manjadi panggorgaon,hapideon mula ni hamoraon,panggalangon mula ni harajaon hasingalon mula ni hatanghangon,paung ni irikirik na so jadi pautangon,tomu manomu na so jadi bajoon,ugasan lume na so jadi doboon,na pinodahon do asa poda,na pinollunghon asa pollung,jala na ginuruhon asa gabe parbinotoan...
Santabi ma di hamu luhutna,amanta raja dohot inanta soripada....

Maminta gondang,i ma sada ruhut na mansai arga di adat Batak.Sude do halak Batak siulahon adat,inghon jumpang tinghina di arina,maminta gondang.Uju adong horja na pinatongam marhite gondang sabangunan.Di toru on pinatudu ruhut maminta gondang,na nienet sian pandohan ni angha natuatua na hot di adat,uju hea tinangihon nasida maminta gondang.sian pangarohaionniba,tutu sipata olo do adong imbar ni pandohan i.Alai anggo pangarimpunanna tar dos do molo dadap hita mananginangi.
Tar songon na mangihut on ma partordingna:

1.Gondang Mulamula
Tangan do botohon punsuna i ma jarijari
jarijari na sampulu luhutna marpanggoari
jongjong hami di son jumolo ma hami marsantabi
santabi ma di amanta,santabi di inanta soripada.
On pe nuang,amang parogung oloan,panggora sunghot di langit,parsoara tandos tu tano,pargonsi sitombus dolok,parpanangar na gok di rura,partaganing parunungunung,parsarune parende-ende,partarias na malo.
Aluhon damang ma jolo tu Ompunta Mulajadi,sitompa hasiangan,sigomgom parluhutan,silehon aek na tio,asa tanghas ma di banua.
Alualuhon ma muse tu sahala ni amanta raja,raja na hot di adat,raja na ingot di uhum,sitiop parpatihan dohot sitiop hatian.
Alualuhon ma muse tu badia ni inanta soripada mulia,ina parorot,ina batak mardinding,ina batak marparapara.
Ia nunga dialualuhon hamuna i,amang pargonsinami,gorga ni jabu binuat batu hula,manortor hami nuaeng di son,bahen hamu ma jolo gondang mulamula i.

2.Gondang sombasomba
Di son hami...........asa rap marsomba hami tu Debata,dungi husombasomba hami ma muse...............di antaran na bidang,di lobuan na godang on.
Alani i amang pargonsinami,bahen damang ma jolo gondang sombasomba.

3.Gondang sampur marmeme.
Asa songon nidok ni umpasa"rintar songon bonang di gala,tio songon mata ni mual,jumpang na jinalahan,tarida na niluluan.Bahen hamu ma amang gondang sampur marmeme i.

4.Gondang simonangmonang.
Asa tinoto ni ulaon on,dapot hamonangan mandopang hahijangon,asa andar parsaulian di hami...........jala tongam di tonga-tonga ni mangajana.Bahen damang ma,pargonsinami,gondang simonangmonang.

5.Gondang sampur marorot
Ia nunga dibahen hamu gondang simonangmonang i,jala nunga mangaliat hami,liat ni hagabean ma i,liat ni parhorasan,manjalahi hamonangan di hami............rodi situan na torop na humaliang na lumolo on,papitahon nauli,mandimposi na denggan,pinarorot ni adat sian paradatan,pinarorot ni uhum sian paruhuman,pinarorot ni patik sian parpatihan.
On pe,nuaeng amang pargonsi,bahen hamu ma gondang sampur marorot i.

6.Gondang didangdidang.
Ia nunga dibahen hamuna gondang sampur marorot i,sai pinarorot ni adat ma tutu,pinarorot ni patik dohot uhum,saluhut hasuhuton on dohot na humaliang.
Tinoto ni ulaon on,anggiat ma Tuhanta na mamasumasu hita,dohot mandidangdidang sude gomparan ni.................asa rap mandidang sahala ni amanta raja,dohot badia ni inanta soripada mulia,bahen damang ma muse gondang didangdidang i.

7,Gondang sitiotio dohot hasahatan.
Pininta ni ulaon.................. on,anggiat ma songon hata ni sijolojolo tubu;masiaminaminan songon lampak ni gaol,masitungholtungholan songon suhat di robean,mangulahon di bagasan sada panghilalaan,asa marjunjungan songon dolok,marbanggua songon rura,jumpang na jinalahan tarida na niluluan.
Las ma dingindingin,las ginolomgolom
horas ma tondi jala madingin
Tuhanta ma na manggomgom.
Martantan ma baringin,mardangha hariara,matorop maribur ma gomparan ni...............on matanghang manjuara.
Sitongha ma di hita na sambar parnidaan
sitongha ma nipi na halobuan
sitongha ma bala ni na niula
sitongha ma sahitsahit tu jolma
sai sipatiur na di juluan ma,jala sipatio na di jaean,di saluhut...............on.Sahatsahat ni solu,sahat ma tu bontean,sai sahat ma hami gomparan ni..............on sahat gabe,sahat horas,sahat ma na denggan hasahatan ni tortornami.
bahen hamu ma amang pargonsinami,gondang sitiotio i.

Horas ma tondi madingin,pir tondi matogu..sai horas ma hita saluhut na na adong di Ugari Batak Toba on.....
Mauliate ma...horas...horas....horas.... — bersama An Siahaan danElisten Sinaga.

Suka ·  · Berhenti Mengikuti Kiriman · 13 September pukul 19:47 melaluiseluler

  • An Siahaan dan 15 orang lainnya menyukai ini.
  • Donny M Siahaan mauliate situtudo dohonon tu rajai hotto berman simanullang naung manurathon jala mamposting parbinotoan narmansai rikkot on.tarlobi tu hami akka sundut naupposo.na so mangantusi akka ruhut ruhut ni paradaton tai.sada tambani parbinotooan ma tarlobi di...Lihat Selengkapnya
    13 September pukul 20:47 · Suka · 2
  • Rein Simanjuntak Memang adong sipata perbedaan tu goar ni gondang,mamereng tu pangalaho ni ulaon.
    1.Gondang mula2 2.Somba2
    3.Gondang liat2 4.Sampur marmeme/marorot 5.Sahala Raja 6.Sibanebane 7.Sititio/Hasahatan.
    Mula2 dht Hasahatan satongkin doi.
    Somba2 pe satongkin do    ...Lihat Selengkapnya
    13 September pukul 21:11 · Suka · 3
  • An Siahaan Na antar jotjot niulahon, ala manarihon partingkian, pinadomu ma 3nsa alualu i gabe sahali mangalualuhon.Pinadomu gondang Mulamula dohot gondang Somba, las songon i do nang Liatliat naturan 3nliat gabe holan sanliat, gondang Sitiotio pinadomu tu Hasahatan.Boha do ninna roha ni angka dongan,denggan do i?
    16 September pukul 1:23 · Suka · 2
  • Rein Simanjuntak Toho doi lae,ai molo dang dipadomu dang binoto be sadihari sae ulaon I.
    16 September pukul 6:58 · Suka · 2
  • An Siahaan Boha do tahe ia taringot ni goar tongam manang goar sangap ni angka paruninguningan si nuaeng on?Sai jotjot do pe binege angka paminta mandok "Amang, panggual pargonsi, na nialapan manogot na tinaruhon botari.Amang Batara Guru Humundul".Tartea nasida d...Lihat Selengkapnya
    16 September pukul 14:28 · Suka · 3
  • Anna Yuniar Simanjuntak Mauliatema Amang, ngadipatorang hamu songoni nangking. Anggo hurasa hata patujolo nai paganjanghu doi, pagodang hu umpasana, saema holan 2 asa msk tu rohani angka dongan. Dungi naumporlu dihami naumposoon angka jenis2 ni gondangi do naumporlu, mis, Saurmatua, Mamestahon Tambak, Pesta Gedung, Pangolihon anak, diama nasuman tusi, anggo hata2 nai ra naboi tamba boi hurang doi. Botima. Mauliate. Horas.
    16 September pukul 15:31 melalui seluler · Telah disunting · Suka · 3
  • Rein Simanjuntak @Lae An Siahaan,anggo dang gondang sabangunan dang to ho mmamake goar tohonani,molo di Jkt."Parmusik nami" ido nidok.
    16 September pukul 16:22 · Suka · 2
  • Rein Simanjuntak Hamaloon ni sijalo /siPaminta gondang,diumpasa ido dht dipanontoron,raja parhata na biasa di pesta2 adat blm tentu malo maminta gondang dht manortor.
    Molo mandok umpasa iba nang dulaon na asing,manang lao mangulosi,unang Ma nian hurang sian 3 umpasa.
    16 September pukul 20:53 · Suka · 2
  • An Siahaan Alai nga jotjot ninna Hamu, gabe biasan jolma mambege angka umpasa i.Ala ni na naeng mardansai roha ni angka na naeng mangulosi i.
    16 September pukul 21:00 · Suka · 2
  • Sutrisno Sumando Sianturi Amangboru HBS, manungkun ma jo iba tahe, ala hurang huboto do hata:
    - hasingalon
    - paung ni irik-irik 
    - ugasan lume na so jadi doboon
    Hurang huantusi do lapatanna amangboru, jala on do pe nibege parjolo. Ba sabar ma jo amangboru, sambil ma jo panonor-nonor angka lapatan ni hata molo hata naattar songon polin do pe panggorahonna.
    #mangantusimadihaminaumposoamangboru
    17 September pukul 2:39 · Telah disunting · Suka · 3
  • Hotto Berman Simanullang Santabi ma di hamu inanami dht amanami saluhutna,songon i ma tu tulangniba@SS sianturi,na mardomu do na bodari mandohoti ulaon tonggo raja iba di parmonding ni sada ama dongan sahutanami,laos i do umbahen na pola leleng nialusan hamu,jadi tung tongha m...Lihat Selengkapnya
    17 September pukul 12:47 melalui seluler · Suka · 2
  • An Siahaan Tinambaan saotik nari songon na pasirsirhon : hasingalon=hatongamon=hamuliaon; paung=saong,paiung;lume=na pinalumehon,isarana,olo do jolma palumehon horbona parmahanon ni halak.Molo maranak 1 horbo i, sipata sanghae ma sian anak ni horbo i gabe upa ni si parmahan;mandobo=manamun,mangarampok.
    17 September pukul 21:11 · Telah disunting · Suka · 3

komentar (0)

Label:

Langganan: Postingan (Atom)