UGARI BATAK - diskusi

Diposting oleh Tris 7matupunk on Rabu, 02 Oktober 2013

Horas to my huta
Sutrisno Sumando Sianturi
Sada natandi parhusor ni budaya di hami generasi naumposo. Dang pola piga be namalo, ia so i naboi marturi-turian. Laos parsidohot do iba sandiri di si. On ma namasa di hami naposo bulung.
Asing muse do pe namasa tu angka anggi tinodohonnami angka dakdanak namagodang. Haru mambege hata "turi-turian" sajo pe nunga jarang halak i. Apalagi ma marturi-turian ate.
Paboa namagodang di jolo ni daoppunghu do pe ahu. Mauliate ma di Tuhan. Sanga do pe hualami mambege turi-turian. Somalna andorang so modom hian iba tingki sikkola dasar do pe, antar sai ringgas do Oppung marturi-turian tu iba. Laos turi-turian na i do sipata sai pintor mangeneti simalolong on mangido modom.
Hape asing do angka tinodohonku. Ala so malo do Amongniba marturi-turian. Dang pola piga diboto halak i turi-turian.
Sada nadapothu sian angka turi-turian manang sipata didok angka torsa-torsa ondeng, sai godang do hapantunon na so adong be tartudoshon di najolo i tu na masa saonari. Dung i muse, gabe godang do pe hata batak na tulen naboi niingot, na so tupa dapotniba sian Amongniba.
Hape namasa saonari, angka dak-danak andorang so modom borngin i, manonton sinetron na ma. Mambege-bege lagu cinta. Nasaluhutna i "terkesan" mamaksa asa hatop nasida mandalani masa "dewasa".
Hape namangolu on butuh proses do sude. Sai hira manangkohi tangga. Tung so tupa do sai nilangkahon tu tangga patoluhon ia so jolo nidege tangga naparjolo. Molo niula i, olo do ribak hae-hae i kan.
Di amang dohot dainang na adong di lapota nabalau on, sihol do pe rohakku mambege turi-turian. Ua, sipata pajojor-jojor halak amang manang inang ma jo deba-deba angka turi-turian i.
MAuliate ma parjolo.
Horas ma jala gabe.

Suka ·  · Berhenti Mengikuti Kiriman · 13 September pukul 17:33


  • An Siahaan dan 5 orang lainnya menyukai ini.
  • An Siahaan Mauliate,Lae.Mansai na uli do pinangidomuna on.Pos ma roha ni lae, rap mangidohon ma hita asa ungkap roha ni angka donganta patupahon.Alai saotik,Lae,ate?Ndang laponta na balau,antong dohononta.Ai ingkon toman jala porman do bahenonta partungkoanta na metmet on.Molo tadok lapo, gabe olo ma annon adong angka hata na hurang tabo begeonta.Hape angka na martutur do hita saluhutna na di son on.Boha ninna roha ni laengku?Alai huhutna i, di marpiga ari na salpu (di na 2 minggu on do pe i), adong do torsa naung dipost.Si Bobak, pinosting ni amanta Hotto Berman Simanullang, si Jonaha pinosting niba sandiri.Nunga dipasa Lae angka ondeng?
    13 September pukul 17:53 · Telah disunting · Suka · 3
  • Rein Simanjuntak Bereniba Sianturi
    Toho doi bere sude!beha ma bahenon mangatas ion.Adong nian kemauan ni naposoi,jadi ingkon berperan ma nian Gareja dht punguan ni marga.Au sandiri sian mulai SMA di Jkt do,dang hea ditempathon diSUMUT,jadi dung pindah tu Jkt,pintor hutuhor buku habatahon,adat,philosophy adat,surat Batak jala sai martukar pikiran iba dht angka natua2.Molo mulak tu huta,sai pintor angka natua2 do huajak tu lapoi manghata2i. Horas ma bere.
    13 September pukul 18:40 · Suka · 1
  • Sutrisno Sumando Sianturi An Siahaan Partungkoan do dumenggan sian hata lapo huroha amangboru? Ba dia naummuli i ma taeahi. Ala na antar somal no niida molo grup diterjemahon bebas tu hata batak gabe lapo. I do bahen gabe hata lapo nangkin hupakke.
    Taringot tu si Jonaha i, nga adong 3 hali huulak-ulahon manjaha.
    Maulaite ma di amanta Manullang.

    Rein Simanjuntak, Sai adong do kemauan ni naposo i do pe tulang. Atik pe memang da songon balga ni kemauan ni angka naparjolo i. Alai angka na adong kemauanna, tontong do ulaon namaol namura na ma mambege turi-turian on. Dipajojor parturi-turian adopan. Aut sura adong ma nian acara songon Stan up comedy na di tipi-tipi i, alai khusus marturi-turian. 
    Huhilala songon i denggan ma parture ni budayata on.
    13 September pukul 19:03 · Suka · 2
  • Rein Simanjuntak Laeku An Siahaan
    Sai pintor curiga do lae umbege lapo.Sering do au dinas na jolo tu Medansai biaen ma asa sae tugas ari Jumat,mulak ma tu huta pake mobil dinas,sipata huboan sandiri.Ari Sabtu I pintor dibuat Siahaan (bapa ni si Bukti-si 20 kiloan,marpungu ma dijabu dongan sahuta,manghahai ma disi huhut padenggan angka na marsalisi.Ari Minggu habis gareja ba ni ajak ma pandita dht sude sintua tu lapo,jadi angka na denggan I do nihataan. Dungi muse ai natudia do posting ni lae Simanullang,sai hulului dang dapot.
    Lae,na adong do pe utangku? Horas ma
    13 September pukul 19:15 · Batal Suka · 3
  • Hotto Berman Simanullang Songon na nidok ni amanta@An S i,dumenggan ma ra tutu molo tapahe goar partunghoan,alana molo na somal binege tar partunghoan do goar na molo inganan ni angha ompunta na jolo,uju marsirarion nasida,manang martaringot tu angha na hombar tu paradaton.Molo tadok lapo,ra nunga tarbatas na ro tu si laho marsirarion,ai songon dia ma bahenon ni angha borua manang inanta ro tu sada lapo,laho marnonang,manang manguhal angha na hombar tu adat.Tar songon i ma jolo pinasahat tu amanta@R Simanjuntak,songon i tu hulahulaniba amanta@ SS Sianturi,songon na mangandoshon hata na nidok ni amanta@An@S nangkin.Mauliate ma jala horas.
    13 September pukul 20:16 melalui seluler · Batal Suka · 3
  • Elisten Sinaga mauliate jala nauli do tutu pangidoan ni halak laeSutrisno Sumando Sianturi Pos ma roha ni halak lae, rap mangidohon ma hita asa ungkap roha ni angka donganta laho patupahonsa.mauliate
    14 September pukul 0:14 · Batal Suka · 2
  • An Siahaan @ laeniba Sianturi, antar songon na dialas molo manurat goar ni angka naung Natuatua,ate?Unang las tumpol antong tadok An Siahaan manang Rein Simanjuntak.Tiruanna rupani, Ntt manang Natuatua i, Amangboru manang Tulang Rein S.Jai goar partuturon ma alasna.
    14 September pukul 0:52 · Batal Suka · 3
  • Rein Simanjuntak Boa molo disesuaihon gabe "Partukkoan ni Si Raja Batak"
    14 September pukul 19:01 · Batal Suka · 3
  • An Siahaan Di mulana i PARTUNGKOAN do dipomat roha.Alai piningkiran ma jala biar roha hatiha i, betak las so diantusi angka halak hita be lapatan ni hata i.Ai hata Diskusi nama na tumangkas nueng on ninna roha,Lae.Molo nunga hira matoras patungkoanta on, ba tapadenggan pe muse ninna Hamu,Lae,ate?
    15 September pukul 0:08 · Batal Suka · 3
  • Rein Simanjuntak Nunga denggan I,laeku
    15 September pukul 20:18 · Batal Suka · 3
  • Sutrisno Sumando Sianturi Nauli ma di amang dohot dainang nasai maniro-niro i ceritaniba on. Tarhira roha ni amang R. Simajuntak do rohangku parjolo hudok lapo. Jala antar i do na somal niida mata dipanggurithon angka dongan di fesbuk nabalau on. Alai donghon ni i tutu, dung ro...Lihat Selengkapnya
    17 September pukul 2:29 · Suka · 2

Label:

0 komentar:

Posting Komentar

Langganan: Posting Komentar (Atom)