"Andung Sidoli Parjajo Nahauasan"

Horas to my huta

from FB

16 Juli 2013 pukul 1:59

Sasintong ni namangolu da oppung
Masihol do rohakku di haetehon uju i
Na gok las ni roha
Na unjur di engkel
Na mian di hasonangan
Na so tupa haribo-riboan
Na sai dao sian mara

Ue tahe
Tupa muba dung di ahu dung magodang
Di naung tumuntun lomo
Na dung manghalashon narorang
Na sai mirdop-irdop songon salipotpot
Na so tardok torang
Na so dung golap
Sai lalap di paralangan
Lilian dinasohaadongan

So ra marujung
Lalap gantung di angan-angan

Modom sai dilelei nipi jorbut
Ia jonjong taroto-oto songon manuk nabondilon
Ia hundul busisaon so tarboto-boto

Tung di dia ma hasoan
Tu dolok so tampil
Ia tu toruan pe so bolas
Da tung gabe aha ma ahu
Asa tung haro tama
Asa tardok ahu jolma
Unang simarjolma-jolma

Pinarsitta do gabe hasea
Alai mattak dosa do ganup niula
Niangan do mamora
Alai mattak susa do si dongan jolma
Ua tung tu aha ma i luhutna

Sai manigor ma ho langkanghu
Di dalan habonaron
Sai bikkas ma ho ro di ujung ni hasintongan
Hansit nuaeng taononmu
Tamba ni holong ma i di ngolu-ngolu